Քաղաքականություն
13.10.2017 | 15:19Բավական ժամանակ է անցել, որ Հայաստանի հանրությունը, մամուլը, փորձագետները, քաղաքական գործիչները ձևավորեին այն մտածելակերպը, որ ՀԱՊԿ-ը ընդամենը սիրուն չորս տառ է, ամեն երկիր այնտեղ գտնվում է իր սեփական շահից ելնելով ու իր շահը առաջ տանելու համար. այսօր լրագրողների հետ հանդիպմանը նման տեսակետ հայտնեց ՀՀ Ազգային ժողովի նախկին պատգամավոր Թևան Պողոսյանը:
«Ժողովուրդ ջան, մենք ունեցել ենք Արցախյան պատերազմի ակտիվ շրջան՝ 1991-94թթ., անցած տարի ունեցանք ապրիլյան քառօրյան, ինձ թվում է էդ դասերը բավական են, որ հասկանանք՝ այլևս մենակ ենք մնացել, չզարմանանք ՀԱՊԿ-ի վարքագծից, ուղղակի արձանագրենք, որ այդ կառույցն ուղղակի նրա համար է, որ Հայաստանը նրանից ինչ-որ շահեր կարող է ունենալ, ու լավ է անում օգտվում է»,- ասաց Պողոսյանը:
Հարցին՝ ՆԱՏՕ-ն էլ է այդպես վարվո՞ւմ, պատասխանեց. « Վրաստանը ՆԱՏՕ-ի գործընկերն է, որ Վրաստանում պատերազմ էր, ՆԱՏՕ-ն հասա՞վ: Իհարկե ոչ»:
Ասուլիսի մյուս բանախոս, ՀՀՇ վարչության անդամ Հովհաննես Իգիթյանը նկատեց. «Եկեք ՀԱՊԿ-ը որևէ կերպ չհամեմատենք ՆԱՏՕ-ի հետ, որովհետև ՆԱՏՕ-ում ինքնիշխան պետությունները ընդհանուր անվտանգության հարց են լուծում, իսկ ՀԱՊԿ-ը ստեղծել է Ռուսաստանը, ընդ որում ստեղծել է, ոչ թե որպես միասնական մարմին, այլ որպես թելադրող»:
Մանրամասները՝ տեսանյութում:
