03.08.2026 | 15:10
Ռուբեն Ռուբինյանն ԱԺ նախագահ ընտրվեց // Երուսաղեմում հարձակվել են հայկական վանքի վրա․ ԼՈՒՐԵՐ
«Դեմ դիմաց դուրս գալուց լռում է». Էրդողանը՝ Մակրոնի հայտարարությունների մասին
Քաղաքականություն
09.12.2019 | 19:45
Թուրքիայի նախագահ Ռեջեփ Թայիփ Էրդողանի ու Ֆրանսիայի նախագահ Էմանուել Մակրոնի հեռակա բանավեճը շարունակվում է. գրում է ermenihaber-ը:
Դեկտեմբերի 7-ից 9-ը Ստամբուլում տեղի ունեցող «Իսլամական Համագործակցության կազմակերպության» (ԻՀԿ) երկրների տնտեսական ոլորտները համակարգող նախարարների հավաքում Էրդողանն անդրադարձել է իսլամական ահաբեկչության վերաբերյալ Մակրոնի արած հայտարարությանը:
«ՆԱՏՕ-ի վերջին գագաթնաժողովին Ֆրանսայի առաջնորդը վեր էր կացել ու իսլամական ահաբեկչությունից էր խոսում: «Իսլամ» բառը խաղաղություն բառից է առաջացել: Դուք իսլամական ահաբեկչություն արտահայտությամբ ինչպե՞ս եք կարողանում խաղաղությունն ու ահաբեկչություն բառերը մեկտեղել:
Մեր դիմաց դուրս գալուց լռում է, բայց ՆԱՏՕ-ի վերջին գագաթնաժողովին կրկին նույն արտահայտություններն է հնչեցնում»,- ասել է Էրդողանը:
