12.08.2026 | 18:10
Ընդդիմադիր ուժերի միջև քննարկումները շարունակվում են // Թուրքիայում հայկական եկեղեցի են վերականգնում․ ԼՈՒՐԵՐ
Քոչարյանի գործով դատավորը ինքնաբացարկ հայտնեց
Հասարակություն
09.12.2019 | 16:10
Վերաքննիչ քրեական դատարանի դատավոր Մխիթար Պապոյանը բավարարեց դատախազների միջնորդությունը ինքնաբացարկ հայտնելու վերաբերյալ։ Նա պետք է քններ պաշտպանների բողոքը Առաջին ատյանի՝ Քոչարյանին գրավի դիմաց ազատ չարձակելու որոշման դեմ։ Գործը կմակագրվի այլ դատավորի։
Մեղադրողը անցած դատական նիստին հիշեցրեց, որ դեռևս մայիս ամսին ֆեյսբուք սոցիալական ցանցում գրառում էր կատարվել այն մասին, թե Ռոբերտ Քոչարյանին ազատ արձակած դատավոր Դավիթ Գրիգորյանի որոշումը գրելիս դրան մասնակցել է նաև դատավոր Մխիթար Պապոյանը։
Դատավորը հետագայում հանցագործության մասին հաղորդում էր ներկայացրել՝ իրեն զրպարտելու համար և պահանջել էր, որպեսզի հրապարակման հեղինակը հրապարակի իր աղբյուրը։ Գևորգ Բաղդասարյանն դատարանում ասել էր, որ ԱԱԾ-ում այս փաստի առթիվ քրեական գործ է հարուցվել և պետք է դեռ քննություն իրականացվի՝ պարզելու որքանով էր այս հրապարակումը համապատասխանում իրականությանը։ Հենց այս հիմքով էլ դատախազը միջնորդեց դատարանին ինքնաբացարկ հայտնել։
Լիլիթ Շաբոյան
