16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Գողական բարքերը և չնվազող մահերը բանակում. Պաշտպանության փոխնախարարի բացատրությունները. ՏԵՍԱՆՅՈՒԹ
Հասարակություն
09.12.2019 | 14:35
Թեև թավշյա հեղափոխությունից հետո հայ-ադրբեջանական սահմանին հակառակորդի գնդակից զոհերը նվազել են, բանակում մահվան ընդհանուր վիճակագրությունը չի գնում նվազման։ Factor.am-ը ՀՀ պաշտպանության փոխնախարար Գաբրիել Բալայանից հետաքրքրվեց՝ ի՞նչ է անում Պաշտպանության նախարարությունը՝ մահերը բանակում կանխելու և «ողական բարքերն արմատախիլ անելու համար։
«Դուք պարզապես տեղեկություն չունեք, թե բանակում քանի մահ է կանխվում։ Ունեմ թվեր, թե ինչ վիճակագրություն կարող էինք ունենալ, եթե սպաները և հրամանատարները տեղում չլինեին։ Մենք ունենք նաև կանխումներ։ Ցանկացած դեպքով մենք վերլուծություն ենք իրականացնում և փորձում բացառել։ Մարդկային հարաբերությունները մեկ ցուցումի մեջ հնարավոր չէ դնել։ Տեղում աշխատանքն է ամենակարևորը։ Ամեն անգամ զորամասեր գնալիս լինում են բացատրական աշխատանքներ։ Ցանկացած դեպքից հետո սպայական անձնակազմը տուժում է»,- ասաց Բալայանը։
Իսկ ինչո՞ւ արմատախիլ չեն արվում գողական բարքերը զորքերում։ Կան գնահատականներ, որ հենց սպաներն են հովանավորում գողական բարքերը՝ զինծառայողներին վերահսկելի դարձնելու նպատակով։ Այս հարցին էլ Գաբրիել Բալայանն արձագանքեց․ «Շատ լավ հարց է։ Առաջնորդ ունենալը բանակում շատ լավ է, զինվորը պետք է ունենա մեկին որպես առաջնորդ, որ պատերազմի ժամանակ նրա հետևից գնա։ Այլ հարց է, որ մենք առաջնորդությունն օգտագործենք ճիշտ ուղղությամբ։ ԱԺ-ն ընդունեց քրեական ենթամշակույթի մասին օրենքը, և մենք պնդել ենք, որ բանակում նման դեպքերը շատ ավելի խիստ պատժվեն, քան քաղաքացիական կյանքում»։
Մանրամասները՝ տեսանյութում։
Ռոբերտ Անանյան
