12.08.2026 | 19:06
Զելենսկին շնորհավորել է Փաշինյանին
Շատ դատավորներ բացահայտ հոմոֆոբներ և ռասիստներ են, բայց պաշտոնական մակարդակում՝ սրբեր են. Կարապետ Բադալյան. ՏԵՍԱՆՅՈՒԹ
Հասարակություն
09.12.2019 | 13:25
Դատական համակարգը մշտապես ուղեկցել է գործադիր իշխանությանը և եղել է կոռուպցիոն համակարգի մի մասը։ Այսօր լրագրողների հետ զրույցում ասաց փաստաբան Կարապետ Բադալյանը։
«2008 թվականին, երբ եղավ զեկույց դատական համակարգում կոռուպցիայի մասին, իշխանությունը որևէ փոփոխություն չարեց։ Դրան զուգահեռ տեսանք, թե ինչպես էր ՄԻՊ-ը կոռուպցիայի մասին փաստեր հավաքել։ Կոսմետիկ փոփոխություններ են եղել՝ երիտասարդ դատավորներ են նշանակվել, որոնք ցույց տվեցին, որ հակված են արդարադատություն իրականացնել»,- ասաց Բադալյանը։
Ըստ նրա՝ դատական համակարգը դիմադրում է համակարգային այն փոփոխություններին, որ այսօր առաջարկվում է։
«Փաստարկներ են բերում, թե, գիտեք, եթե մենք կոռումպացված ենք, եթե վատն ենք, ապա ինչպե՞ս եք բացատրում, որ դատարան դիմում ներկայացնողների թիվը կրկնապատվել, եռապատկվել է վերջին տարիներին։ Նույնն ասում է ՍԴ-ն։ Այս տրամաբանության մեջ այն արժեքային մոտեցումն է, որ եթե բռնված չես, ուրեմն գող չես։ Սա ցույց է տալիս լատենտ հանցավորության մակարդակը, որ դատական համակարգում կա։ Ո՞ւր դիմեն մարդիկ, եթե ոչ դատարան։ Դատական համակարգը ցույց է տալիս, որ պատրաստ չէ գնալ փոփոխությունների։ Շատ դատավորներ հոմոֆոբներ և ռասիստներ են, բայց պաշտոնական մակարդակում սրբեր են»,- փաստաբանը։
Մանրամասները՝ տեսանյութում։
Ռոբերտ Անանյան
