22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
Մաքսայինի նախկին պետ Արմեն Ավետիսյանի կողմից ձեռք են բերվել գաղտնալսող սարքեր․ Անդրանիկ Քոչարյան. ՏԵՍԱՆՅՈՒԹ
Քաղաքականություն
09.12.2019 | 11:16
Մեր հանձնաժողովի անդամ Արմեն Խաչատրյանը ճիշտ պահին ներկայացրել է շատ կարևոր օրեն քի նախագիծ, որը կարգավորում է օպերատիվ-հետախուզական ծառայության գործունեությամբ նախատեսված նման տնտեսությամբ իրենց աշխատանքները կարգավորող կարևորագույն կառույցի՝ Ոստիկանության գործիքակազմն ավելացնելու խնդիրը, որն այսօրվա պարտիզանական գործողությունների ֆոնին շատ կարևոր նախաձեռնություն է։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Անդրանիկ Քոչարյանը։
«Ասեմ՝ պատահակսն չէ, որ իմ կարծիքով՝ 2007 թվականին Ոստիկանությանը զրկել էին այդպիսի հնարավորություն ունենալուց, և 2008 թվականին տեղի ունեցավ Մարտի 1-ը։ Եվ վերջերս շրջանառության մեջ հայտնվեց Անվտանգության ծառայության գեներալ-մայոր Տիգրան Բաղդասարյանի՝ նախաքննական մարմնին խոստովանական ցուցումունքներն առ այն, որ Մարտի 1-ի գործով Անվտանգության ծառայության մարմինները կեղծել են փաստաթղթեր, և եթե Ոստիկանությունն այդ ժամանակ ունենար նման գործառույթ, ես համոզված եմ, որ նման կեղծումները կլինեին անհնար։ Այս նախագծով մեր գործընկերներն առաջարկում են այդ դաշտ մտցնել երկրորդ օպերատորին»,- ասաց Քոչարյանը։
Նա խոսեց նաև նախորդ նիստին օլիգարխների կողմից գաղտնալսող սարքերի ձեռքբերման մասին բարձրաձայնված հարցից և նկատեց. «Այդ թվականներին Մաքսային ծառայության նախկին ղեկավար Արմեն Ավետիսյանի կողմից, իր ծառայության կողմից ձեռք էին բերվել նման տեխնիկական միջոցներ, որոնք դրվել են ծառայության մեջ՝ համոզված եմ, նաև այն ժամանակվա քաղաքական ղեկավարության համաձայնությամբ կամ թողտվությամբ»։
Հիշեցնենք, որ Ազգային ժողովում քննարկվում է «Օպերատիվ-հետախուզական գործունեության մասին» ՀՀ օրենքում փոփոխություններ կատարելու մասին» օրինագիծը։
Մանրամասները՝ տեսանյութում։
