14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Գլխավոր դատախազ Արթուր Դավթյանը երեք անգամ 100 տոկոսով պարգևատրել է իրեն
Հասարակություն
06.12.2019 | 21:30
ՀՀ գլխավոր դատախազ Արթուր Դավթյանն այս տարվա ընթացքում պարգևատրվել է 3 անգամ՝ 1 դրույքաչափով կամ աշխատավարձի 100 տոկոսի չափով:
Այս մասին Factor.am-ին փոխանցում են ՀՀ գլխավոր դատախազությունից: Պետական պաշտոններ զբաղեցնող անձանց վարձատրության մասին օրենքի համաձայն՝ ՀՀ գլխավոր դատախազի աշխատավարձը կազմում է 1 միլիոն դրամ: Այսինքն, ստացվում է, որ Արթուր Դավթյանը հունվարից մինչ նոյեմբեր ստացել է 3 մլն դրամ պարգևավճար:
ՀՀ դատախազության մյուս դատախազները պարգևատրվել են 4 անգամ, որից 3-ը՝ 100, իսկ 1-ը՝ 72 տոկոսով: Կառույցի քաղաքացիական և հայեցողական պաշտոններ զբաղեցնող անձինք նշյալ ժամանակահատվածում պարգևատրվել են 6 անգամ, որից 4 անգամը աշխատավարձի 100 տոկոսով, իսկ երկու անգամը՝ 71.83 և 67.47 տոկոսներով: Քաղաքացիական աշխատանք և տեխնիկական սպասարկում իրականացնող աշխատակիցները պարգևատրվել են 4 անգամ՝ 100 տոկոսով:
Դատախազության աշխատավարձի բյուջեն 2019 թվականին կազմել է 3,5 միլիարդ դրամ, պարգևավճարներինը՝ 983 մլն դրամ:
Դատախազությունից խնդրել էինք տրամադրել, թե պարգևավճարների համար նախատեսված գումարի որ մասն է այս ժամանակահատվածում ծախսվել, սակայն կառույցը գրավոր պատասխանում տվյալներ չի նշել:
Նարեկ Կիրակոսյան
