07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ճանապարհի գծանշում չունենք, ոչ մի բան չի տված չէ, վերցրել բալերը կիրառում ենք․ Արթուր Դալլաքյան. ՏԵՍԱՆՅՈՒԹ
Հասարակություն
06.12.2019 | 18:01
Բալերի կիրառումն ուղիղ համեմատական կապ ունի ճանապարհների հետ, և երկրորդ՝ ուղիղ համեմատական կապ ունի քաղաքացու ավտոմեքենայի վարման ժամերի հետ։ Ինքն իր բնույթով թերի է։ Այս մասին ԱԺ-ում իր ելույթի ժամանակ ասաց «Բարգավաճ Հայաստան» խմբակցության պատգամավոր Արթուր Դալլաքյանը։
«Բալը կիրառվել է բոլոր տեսակի վարորդների նկատմամբ։ Չի հաշվարկվել հասարակական ոլորտը սպասարկող վարորդների սկզբունքը։ Հասարակական ոլորտում վարորդների սկզբունքն ինչպե՞ս է կիրառվելու։ Ես ձեզ պարզ եմ ասում՝ 2 ամիս հետո վարորդ չեք ունենալու։ Դուք գտնում եք, որ ճանապարհներն ամբողջությամբ համապատասխանո՞ւմ են էս բալերին․ իհարկե, չեն համապատասխանում։ Ճանապարհի գծանշում չունենք, ոչ մի բան տված չէ, վերցրել բալերը կիրառում ենք»,- ասաց նա։
Հիշեցնենք, որ Ազգային ժողովում քննարկվում է Կառավարության կողմից ներկայացված «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթը։
Մանրամասները՝ տեսանյութում։
