12.08.2026 | 21:19
Երկու բրոնզե մեդալ՝ արհեստական բանականության միջազգային օլիմպիադայում
Քոչարյանի գործով դատավորը հեռացավ որոշում կայացնելու
Հասարակություն
06.12.2019 | 14:00
Վերաքննիչ դատարանի դատավոր Մխիթար Պապոյանը հեռացավ խորհրդակցական սենյակ դատախազների կողմից իրեն ներկայացված ինքնաբացարկի վերաբերյալ որոշում կայացնելու։
Հիշեցնենք, որ որպես հիմք դատախազները ներկայացրին, որ դեռևս մայիս ամսին ֆեյսբուք սոցիալական ցանցում գրառում էր կատարվել այն մասին, թե Ռոբերտ Քոչարյանին ազատ արձակած դատավոր Դավիթ Գրիգորյանի որոշումը գրելիս դրան մասնակցել է նաև դատավոր Մխիթար Պապոյանը։
Դատավորը հետագայում հանցագործության մասին հաղորդում էր ներկայացրել՝ իրեն զրպարտելու համար և պահանջել էր, որպեսզի հրապարակման հեղինակը հրապարակի իր աղբյուրը։
Գևորգ Բաղդասարյանն այսօր դատարանում ասաց, որ ԱԱԾ-ում այս փաստի առթիվ քրեական գործ է հարուցվել և պետք է դեռ քննություն իրականացվի՝ պարզելու որքանով էր այս հրապարակումը համապատասխանում իրականությանը։
Մյուս դատախազն ու տուժողների ներկայացուցիչները միացան միջնորդությանը։ Պաշտպանական կողմը առարկեց միջնորդության դեմ։
Լիլիթ Շաբոյան
