29.03.2026 | 15:40
Փաշինյանը՝ եկեղեցու միջադեպի մասին. ոստիկանությունը լրացուցիչ հրահանգավորման կարիք չունի
Կառավարության դիրքորոշումը խիստ է և վերջնական. Գաբրիել Բալայանը՝ զորակոչից խուսափելու մասին. ՏԵՍԱՆՅՈՒԹ
Քաղաքականություն
06.12.2019 | 13:53
Դեկտեմբերի 31-ին լրանում է օրենքի գործողությունը, որը սահմանված կարգով զինվորական ծառայություն չանցած քաղաքացիներին թույլ է տալիս համապատասխան վճարում կատարել և պատասխանատվության չենթարկվել: Այսօր հրավիրված ասուլիսում այս մասին ասաց ՀՀ պաշտպանության փոխնախարար Գաբրիել Բալայանը:
«Կառավարության դիրքորոշումն այստեղ խիստ է և վերջնական, որ նշված օրենքն այլևս չի երկարացվելու: Այսինքն՝ մեր բոլոր քաղաքացիներին, որոնց 27 տարին լրացել է մինչև մարտի 1-ը, ես ցանկանում եմ հաղորդել և հորդորել՝ վերադառնալ Հայաստան: Դրանից հետո արդեն ենթադրում է քրեական պատասխանատվություն»,- հավելեց նա:
Պաշտոնյայի խոսքով՝ հարցը, հավանաբար, կքննարկվի կառավարության առաջիկա նիստում:
«Այն ձևաչափը, որը 2004 թվականից գործել է, այլևս չի երկարացվելու, և սա արդեն հստակ դիրքորոշում է: Մենք արդեն իսկ հայտարարել ենք, և պատգամավորական նախաձեռնությունը, որն այսօր շրջանառության մեջ է, կարծում եմ՝ կառավարության առաջիկա նիստում իր դիրքորոշումը կհայտնի և բացասական եզրակացություն կտա»,- նշեց Բալայանը:
Մանրամասները՝ տեսանյութում:
