13.05.2026 | 22:50
Հռոմ․ Կարեն Խաչանովը պարտվեց Կասպեր Ռուդին․ ՏԵՍԱՆՅՈՒԹ
Բերման են ենթարկել 24 ցուցարարի
Հասարակություն
03.12.2019 | 18:48
Կրթության, գիտության, մշակույթի, սպորտի նախարարության մոտից 24 անձ բերման է ենթարկվել Ոստիկանություն։ Այս մասին Factor.am-ի հետ զրույցում ասաց Ոստիկանության լրատվության վարչության պետի տեղակալ Էդգար Ջանոյանը։
«Նրանք Ոստիկանություն են բերվել Վարչական իրավախախտումների վերաբերյալ օրենսգրքի 182-րդ հոդվածով նախատեսված ոստիկանի օրինական պահանջը չկատարելու հիմքով»,- տեղեկացրեց Ջանոյանը։
Ավելի ուշ Ոստիկանության աշխատակիցը տեղեկացրեց, որ վարչական ձերբակալման ենթարկված 24 անձանցից 19-ը Ոստիկանության Կենտրոնի բաժնում է, 5-ը՝ էրեբունում:
Հիշեցնենք, որ քիչ առաջ նախարար Արայիկ Հարությունյանի հրաժարականը պահանջող ակտիվիստների և ոստիկանների միջև բախում տեղի ունեցավ։
Նշենք, որ արդեն մի քանի շաբաթ է՝ նրանք նստացույց են անում ԿԳՄՍ նախարարության շենքի դիմաց՝ պահանջելով նախարար Արայիկ Հարությունյանի հրաժարականը։
