06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Սեյրան Օհանյանի պաշտպանը միջնորդեց վերացնել Օհանյանի նկատմամբ քրեական հետապնդումը
Հասարակություն
03.12.2019 | 17:56
Պաշտպանության նախկին նախարար Սեյրան Օհանյանի պաշտպան Կարեն Մեժլումյանն այսօրվա դատական նիստին միջնորդություն ներկայացրեց դատարան՝ Օհանյանի նկատմամբ քրեական հետապնդումը դադարեցնելու, ինչպես նաև գործի վարույթը կարճելու վերաբերյալ։
Կարեն Մեժլումյանը հիշեցրեց հայտնի «յոթի» գործը՝ ասելով, որ նրանց մասով գործը կարճվել է, մինչդեռ այս պարագայում մեղադրանքի կողմը չի հրաժարվում մեղադրանքից և խտրական վերաբերմունք է ցուցաբերում:
«Նման պայմաններում, եթե Սեյրան Օհանյանին և մյուս ամբաստանյալներին մեղադրանք առաջադրված լիներ 300-րդ հոդվածի 1-ին մասով, նրանց նկատմամբ քրեական հետապնդումը կդադարեցվեր, իսկ վարույթը կկարճվեր նույն այդ հիմքով: Սակայն այս գործով Դատախազությունը դեռևս չի հրաժարվել մեղադրանքից, դատարանն էլ չի որոշել կարճել գործը: Ինչո՞ւ, մի՞թե սա խտրական վերաբերմունք չէ»,- ասաց նա:
Նախագահող դատավոր Աննա Դանիբեկյանը նշեց, որ նույնաբովանդակ միջնորդություններ են ներկայացրել նաև ամբաստանյալներ Յուրի Խաչատուրովի և Ռոբերտ Քոչարյանի պաշտպանները։
Պաշտպանական կողմը միացավ Մեժլումյանի միջնորդությանը, մինչդեռ մեղադրող կողմը առարկեց միջնորդության դեմ՝ համարելով այն հիմնազուրկ։
Լիլիթ Շաբոյան
