13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
«Երբ քո իրավունքներին տեղյակ ես մեկնում բանակ, ավելի պատշպանված ես զգում». ՀՔԱՎ-ի իրավական իրազեկման արշավը՝ զորակոչիկների ու զինծառայողների շրջանում
Հասարակություն
02.12.2019 | 22:41
Նոյեմբերի 22-23-ին Սիսիանում և Եղեգնաձորում անցկացված դասընթացների մասնակիցները ընդհանուր թվով շուրջ 45-ն էին՝ նաև մոտակա գյուղական համայնքներից։ Ձմեռային զորակոչին նախորդող այս շրջանում՝ 2019 թ.-ի հոկտեմբեր-դեկտեմբեր ամիսներին, Հելսինկյան քաղաքացիական ասամբլեայի Վանաձորի գրասենյակի խաղաղասիրական ծրագրերի համակարգող Արմինե Սադիկյանն ու գրասենյակի փաստաբան Հայկ Հակոբյանն իրավական-տեղեկատվական դասընթացների շարքով կլինեն նաև Արագածոտնի, Շիրակի և Կոտայքի մարզերում։ Դասընթացների շարքը նպատակ ունի բարձրացնել զորակոչիկների և զինծառայողներին իրավունքների իրազեկության մակարդակը։ Նախատեսվող դասընթացների ժամկետների մասին կտեղեկացվի լրացուցիչ։
Արման Մկրտչյանը 2018-ին է զորացրվել բանակից: Ասում է, որ 2016-ի համեմատ, երբ մեկնեց բանակ, բավական փոփոխություններ են տեղի ունեցել ոլորտին վերաբերվող օրենսդրության մեջ: Այն, որ զորակոչիկները նման դասընթացների մասնակցելու, սեփական իրավունքներին տեղեկանալու հնարավորություն ունեն, շատ կարևոր է հենց իրենց՝ զորակոչիկների համար, որպեսզի բանակում ճիշտ հարաբերություններ ունենան վերադասի հետ և հարկ եղած դեպքում բարձրաձայնեն իրենց իրավունքների մասին: «Երբ քո իրավունքներին տեղյակ ես մեկնում բանակ, ավելի պատշպանված ես զգում, քան չիմանալով: Լավ կլիներ, որ 2016-ին էլ նման դասընթացներ լինեին»
