12.08.2026 | 19:06
Զելենսկին շնորհավորել է Փաշինյանին
Իտալիայում Սերժ Սարգսյանի առանձնատուն ունենալու գործը Դատախազությունից ուղարկվել է ՊԵԿ
Հասարակություն
02.12.2019 | 18:30
Օրեր առաջ «Սասնա ծռեր» կուսակցությունը հայտարարություն էր տարածել, որտեղ նշվում էր, թե Միքայել Մինասյանը Սերժ Սարգսյանին Իտալիայի Հռոմ քաղաքում 20 միլիոն դոլար արժողությամբ առանձնատուն է նվիրել։ Հայտարարության մեջ նշված էր նաև առանձնատան հասցեն: «20 միլիոն ԱՄՆ դոլար արժեք ունեցող այդ առանձնատան հասցեն է՝ Սեյնթ Անսելմո փողոց, համար 10 (Via di Sant’Anselmo, 10)»,- ասված էր «Սասնա ծռերի» հայտարարության մեջ։
Գլխավոր դատախազությունից Factor.am-ին օրեր առաջ տեղեկացրել էին, որ հրապարակումն ուսումնասիրվում է։ Մենք փորձեցինք ճշտել, թե ինչ փուլում է գործը։ Ի պատասխան մեր հարցի Դատախազության հանրային կապերի բաժնի պետ Արևիկ Խաչատրյանը տեղեկացրեց, որ այն ուղարկվել է ՊԵԿ։ Այլ մանրամասներ Խաչատրյանը չհայտնեց։
Դիմեցինք նաև ՊԵԿ, որտեղից մեզ խոստացան ավելի ուշ մեկնաբանություն տրամադրել։
Լիլիթ Շաբոյան
