06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Այս նախագծով Սերժ Սարգսյանի և Հրայր Թովմասյանի կա՞մքն եք կյանքի կոչում․ Տարոն Սիմոնյանը՝ Ռուստամ Բադասյանին. ՏԵՍԱՆՅՈՒԹ
Հասարակություն
02.12.2019 | 18:17
Պետաիրավական մշտական հանձնաժողովի նիստի ժամանակ «Լուսավոր Հայաստան» խմբակցության պատգամավոր Տարոն Սիմոնյանը, դիմելով արդարադատության նախարար Ռուստամ Բադասյանին, հարցրեց՝ արդյո՞ք 2015 թվականի փոփոխություններով ամրագրվել է ժողովրդի կամքը։
«Հնարավոր երկու պատասխան կա՝ այո, ամրագրվել է ժողովրդի կամքը, և դրանով իսկ կփաստեք, որ պարոն Փաշինյանը ժամանակին սխալ հայտարարություն է արել, որ 2015 թվականի սահմանադրական փոփոխութոյւնների հանրաքվեն օրենքի խախտմամբ է տեղի ունեցել և այնտեղ չի ամրագրվել ժողովրդի կամքը։ Եթե պատասխանեք, որ, ոչ, չի ամրագրվել ժողովրդի կամքը և կիսեք պարոն Փաշինյանի կարծիքը, ապա այս նախագծով Սերժ Սարգսյանի և Հրայր Թովմասյանի կա՞մքն եք կյանքի կոչում»,- հարցրեց Սիմոնյանը։
Նախարար Բադասյանը նկատեց, որ 2015 թվականի փոփոխությունները Սահմանադրությամբ դե ֆակտո չեն արտահայտում ժողովրդի կամքը։
«Շարունակում եմ կրկնել, որ դրանք կատարված են եղել մեկ քաղաքական ուժի մի քանի անձանց շահերը սպասարկելու համար»,- մկատեց նախարարը։
Հիշեցնենք, որ ՀՀ կառավարությունն առաջարկել է «Հանրային ծառայության մասին և կից օրենքներում փոփոխություններ ու լրացումներ կատարելու մասին» օրենսդրական նախաձեռնությունների փաթեթը, որն էլ հանձնաժողովի այսօրվա օրակարգում է:
Մանրամասները՝ տեսանյութում։
