27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Եթե ինձ այսօր էլ որպես քաղաքապետի հարցնեն՝ Սամվել Ալեքսանյա՞նն է նվիրել քաղաքին մեքենաներ, կպատասխանեմ՝ ո՛չ. Հայկ Մարության. ՏԵՍԱՆՅՈՒԹ
Քաղաքականություն
29.11.2019 | 23:19
Երևանի քաղաքապետ Հայկ Մարությանը ֆեյսբուքյան հեռարձակմամբ անդրադարձել է, իր խոսքով՝ նվիրատվությունների շուրջ ծավալվող ապատեղեկատվությանը:
«Ես ուզում եմ ասել, որ եթե ինձ այսօր էլ որպես քաղաքապետի հարցնեն՝ արդյոք Սամվել Ալեքսանյանը նվեր տվե՞լ է Երևան քաղաքին մեքենաներ, ես այսօր էլ կպատասխանեմ՝ ո՛չ: Ինչո՞ւ, որովհետև ես պաշտոնատար անձ եմ, և քաղաքապետը չի կարող ինչ-որ ասեկոսեների կամ այլ խոսակցությունների հիման վրա, ինչ-որ հայտարարություններ անել»,- ասաց քաղաքապետը:
Ապա խոսելով նվիրատվությունների դիմաց քաղաքապետարանի կողմից շինթույլտվությունների ավարտական ակտի տրման մասին, քաղաքապետը ներկայացրեց փաստաթուղթ, որը ստորագրվել էր մինչև իր քաղաքապետ դառնալը, փոխքաղաքապետ Կամո Արեյանի կողմից: Խոսքը Սամվել Ալեքսանյանի ընտանիքին պատկանող «Մեգամոլ» առևտրի կենտրոնի մասին է:
«Իսկ Տերյան 5 հասցեում գտնվող Գագիկ Խաչատրյանի ընտանիքին պատկանող շենքի թույլտվությունը տրվել է 2017 թ. Տարոն Մարգարյանի կողմից»,- փաստաթուղթը ցույց տվեց քաղաքապետ Մարությանը:
Առավել մանրամասն՝ տեսանյութում:
