02.04.2026 | 19:46
Մոլդովայի խորհրդարանը հաստատել է ԱՊՀ-ից դուրս գալու օրենքները
Կոռո՞ւպցիա, թե՝ անտեղյակություն․ Երևանի քաղաքապետի հավաստիացումից օր անց.ԵզրաԿԱՑՈՒԹՅՈՒՆ
Քաղաքականություն
29.11.2019 | 22:13
Երկու օր առաջ Երևանի ավագանու «Լույս» խմբակցությունը հանդես եկավ հայտարարությամբ՝ նշելով, որ Երևանի քաղաքապետարանին կատարվել են խնդրահարույց նվիրատվություններ, նվիրվել է 20 աղբատար մեքենա և նվիրատվություն կատարողների մեջ են կառուցապատողների և նախկին ու ներկա պաշտոնյաների հետ փոխկապակցված ընկերություններ, այդ թվում՝ ԱԺ նախկին պատգամավոր Սամվել Ալեքսանյանը:
Դրանից հետո թե՛ Երևանի քաղաքապետ Հայկ Մարությանը, թե՛ նրա մամուլի քարտուղար Հակոբ Կարապետյանը հերքեցին լուրը՝ նշելով, որ Սամվել Ալեքսանյանից մեքենա չեն ստացել։ Երեկ, սակայն, քաղաքապետի խոսնակը հրապարակեց նվիրատվություն արած ընկերությունների ցանկը, որից պարզվեց, որ իսկապես կա լուրջ փոխկապակցվածություն, իսկ արդեն այսօր ավագանու «Լույս» խմբակցության ղեկավար Դավիթ Խաժակյանը կոնկրետ փաստաթղթերով հրապարակեց, որ նվիրատվություն կատարած կազմակերպությունն ուղղակիորեն փոխկապակցված է Սամվել Ալեքսանյանի հետ:
«Իմ ձեռքի տակ է գտնվում քաղաքապետի որոշումը՝ Մալաթիա Սեբաստիա Օհանով 15/1 հասցեում սեփականության իրավունքով քաղաքացի Շողերինա Մկրտչյանին պատկանող հողամասում գտնվող կառույցի օրինականացման մասին»: Խաժակյանը նշում է, որ դա այն հասցեն է, որտեղ գտնվում է «Երևան Սիթի» սուպերմարկետը: Բացի այդ, ավագանու անդամի պնդմամբ՝ քաղաքացին, որին վերոնշյալ կառույցը պատկանում է, Սամվել Ալեքսանյանի կինն է: «Այսինքն՝ շուրջ 6 հա շինությունն օրինականացվել է՝ քաղաքապետարանին նվիրված 3 աղբատար կամազի դիմաց: Համընկնում են նաև ժամկետները. քաղաքացին դիմել է սեպտեմբերի 23-ին, իսկ դա այն ժամանակահատվածն է, երբ քաղաքապետարանը ստացել է աղբատար մեքենաները»,- նշեց Դավիթ Խաժակյանը:
Մանրամասները՝ տեսանյութում:
