07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Չեմ բացառում՝ առավել ծանր հանցագործությունների դրվագներ կունենանք. Դատախազը՝ Միհրան Պողոսյանի գործի մասին. ՏԵՍԱՆՅՈՒԹ
Հասարակություն
29.11.2019 | 13:43
ԴԱՀԿ նախկին պետ Միհրան Պողոսյանի կալանքը վերացնելու մասին ՌԴ-ում կայացված որոշումը նոր չէ։ Այս մասին այսօր լրագրողների հետ զրույցում ասաց ՀՀ գլխավոր դատախազ Արթուր Դավթյանը:
«Երբ որ երկիրը մերժում է արտահանձնումը, այլևս ոչ մի վայրկյան չի կարող որևէ մեկին կալանքի տակ պահել, դա նոր բան չէ։ Այդ առումով մենք դեռ շարունակում ենք մեր քննարկումները մեր գործընկերների հետ։ Նկատի ունենալով նաև որ քրեական գործ կա, որը ակտիվ փուլում է գտնվում չեմ բացառում, որ նոր, առավել ծանր հանցանքների դրվագներ կունենանք այդ առումով և բնականաբար, հանցանքի ծանրությամբ պայմանավորված հույս ունենք, որ մեր գործընկերները իրավական և արդարացի մոտեցում ցույց կտան»,- ասաց նա։
Դատախազը նաև ասաց, որ իր մոտ էլ կան նույն հարցերը, թե Միհրան Պողսյանին ՀՀ-ին արտահանձնելը ինչպես կարող է ազդել ՌԴ-ի ինքնիշխանության վրա, ասաց՝ հարցի պատասխանը փորձում են ստանալ իրենց գործընկերներից։
Մանրամասները՝ տեսանյութում։
Լիլիթ Շաբոյան
