06.04.2026 | 13:50
ՀԱՊԿ-ը պետք է շատ զգույշ և կոռեկտ լինի Հայաստանի հետ իր աշխատանքում. Լուկաշենկո
Միհրան Պողոսյանի նկատմամբ Ռուսաստանում ընտրված խափանման միջոցը վերացվել է
Հասարակություն
28.11.2019 | 18:51
ԴԱՀԿ նախկին պետ Միհրան Պողոսյանի նկատմամբ Ռուսաստանում ընտրված խափանման միջոցը վերացվել է: Տեղեկությունը Factor.am-ի հետ զրույցում հաստատեց ՀՀ գլխավոր դատախազի խորհրդական Գոռ Աբրահամյանը:
«ՀՀ դատախազությունում առկա տեղեկատվության համաձայն՝ Միհրան Պողոսյանի նկատմամբ ՌԴ-ում ընտրված խափանման միջոցը վերացվել է»,- ասաց նա:
Առանձնապես խոշոր չափերով գույք հափշտակելու և պաշտոնեական դիրքը չարաշահելու մեղադրանքով հետախուզվող Պողոսյանը հայտնաբերվել էր Ռուսաստանում և կալանավորվել:
Ավելի վաղ Գլխավոր դատախազությունից հայտնել էին, որ ՀՀ և ՌԴ դատախազությունների համագործակցության արդյունքում ապրիլի 23-ին ՌԴ դատարանի կողմից բավարարվել է ՌԴ դատախազության միջնորդությունը՝ 40 օրով կալանավորելու վերաբերյալ: Միհրան Պողոսյանը, սակայն, տնային կալանք էր կրել, որը հետագայում վերացվել էր:
Մամուլը գրել էր, որ նա ՌԴ-ից քաղաքական ապաստան է խնդրել:
Լիլիթ Շաբոյան
