04.07.2026 | 19:26
Փաշինյանը խոստացավ Գոռավանում դպրոց կառուցել. գյուղը 412 աշակերտ ունի․ ՏԵՍԱՆՅՈւԹ
Մի շարք շենքեր՝ նախկինում գործարաններ, սեփականաշնորհվել են․ դրանք ի՞նչ են արվելու․ Էրիկ Գրիգորյան. ՏԵՍԱՆՅՈՒԹ
Տնտեսություն
28.11.2019 | 15:24
Կառավարության նիստի ժամանակ շրջակա միջավայրի նախարար Էրիկ Գրիգորյանը նկատեց, որ Երևանում, սկսած 90-ականներից, մի շարք գործարաններ մասնավորեցվել են, որոնք հետագայում վաճառվել են։
«Գործարանները մասնավորեցրել են հստակ պայմաններով՝ աշխատատեղ ստեղծելու և արտադրամասեր աշխատացնելու համար, և դրանց ճնշող մեծամասնությունը հետագայում կամ ուղղակի որպես շենք-շինություն վաճառվել է, կամ մինչ այժմ այդ սեփականատերերի մոտ է, որոնք մինչ այսօր չեն կատարել այդ պարտականությունները։ Հստակ ուղղություն ունե՞նք, թե այդ շինություններն ինչ են արվելու, օրինակ՝ Շենգավիթում, Էրեբունիում մի շարք շենքեր՝ նախկին գործարաններ, 90-ականներից սկսած սեփականաշնորհվել են հստակ պայմաններով»,- դիմելով տարածքային կառավարման և ենթակառուցվածքների փոխնախարար Վաչե Տերտերյանին՝ հարցրեց Գրիգորյանը։
Տերտերյանը նկատեց, որ ամեն կոնկրետ դեպքի համար որոշակի գործընթացներ են իրականացնում՝ հաշվի առնելով դրանց իրատեսությունը։
«Մենք պետք է հարցին ավելի կոմպլեքս նայենք։ Այս խնդիրը քննարկվում է ոչ միայն Պետական գույքի կառավարման և հատկապես ներկայացվող հայեցակարգի շրջանակում, այս դիսկուրսը տարվում է նաև մի քիչ ավելի լայն հարթությունում»,- նշեց Տերտերյանը։
Մանրամասները՝ տեսանյութում։
