12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Կփակվի Նուբարաշենի դատապարտյալների հիվանդանոց ՔԿՀ-ն և Սիլիկյան թաղամասում կկառուցվի նոր ՔԿՀ. ՏԵՍԱՆՅՈՒԹ
Հասարակություն
28.11.2019 | 14:05
Կառավարության այսօրվա նիստում հաստատվեց քրեակատարողական հիմնարկներին և պրոբացիայի ոլորտին առնչվող բարեփոխումների ռազամվարությունը։ Արդարադատության նախարար Ռուստամ Բադասյանն ընդգծեց, որ սա այս ոլորտում առաջին համակարգված փաստաթուղթն է, առաջին ռազմավարությունն է, սրանից առաջ չի եղել փաստաթուղթ, որը համապարփակ կարգով անդրադարձ կկատարի պատժողական քաղաքականությունից վերականգնողական արդարադատության անցման, քրեական ենթամշակույթի վերացման, կոռուպցիոն ռիսկերի բացառման հարցերին․
Ըստ Բադասյանի՝ ռազմվարության հիմնական նպատակներից են ազատությունից զրկված անձանց պահման պայմանների բարելավումը, քրեակատարողական հիմնարկների օպտիմալացումը և արդիականացումը, քրեակատարողական հիմնարկների և պրոբացիայի ծառայության շենքային պայմանների բարելավումը և տեխնիկական հագեցվածությունը։
«Պահման պայմանների բարելավման քրեակատարողական հիմնարկների օպտիմալացման և արդիականացման շրջանակներում նախատեսվում է փակել «Նուբարաշեն» և «Դատապարտյալների հիվանդանոց» քրեակատարողական հիմնարկները և Երևան քաղաքի տարածքում (Սիլիկյան թաղամասում) կառուցել շուրջ 1200 լրակազմ ունեցող քրեակատարողական նոր հիմնարկ (200 մահճակալ նախատեսվելու է բուժման կարիք ունեցող անձանց համար)»,- ասաց նա:
Մանրամասները՝ տեսանյութում:
