30.04.2026 | 14:02
Զելենսկին արձագանքել է Պուտինի՝ մայիսի 9-ի հրադադարի առաջարկին
Վրաստանի խորհրդարանի մոտ ոստիկանական ուժեր են մոբիլիզացված
Քաղաքականություն
28.11.2019 | 11:53
Վրաստանի խորհրդարանի մուտքերի հարակից տարածքներում նոյեմբերի 28-ի վաղ առավոտից հավաքված են ընդդիմության անդամները և քաղաքացիական ակտիվիստներ: Ընդդիմությունը հայտարարել էր, որ արգելափակելու է խորհրդարանի մուտքերը: Խորհրդարանի մոտ ևս մեկ վրան է ավելացվել. գրում է aliq.ge-ն:
Տարածքում մոբիլիզացված են ոստիկանական ուժեր: Նրանք երկաթե պատ են դրել ցուցարարների և խորհրդարանի շենքի միջև:
«Միացյալ ազգային շարժում» կուսակցության անդամ Զաալ Ուդումաշվիլիի խոսքով՝ չնայած ոստիկանների թվին, իրենք կշարունակեն մուտքերի արգելափակումը:
Նոյեմբերի 28-ին, առավոտյան 10:00-ից խորհրդարանում նախատեսվում են հանձնաժողովների նիստեր անցկացնել, իսկ ժամը 12:00-ին նշանակված է լիագումար նիստ:
Հիշեցնենք, որ ընդդիմադիր կուսակցությունները և քաղաքացիական շարժումները սկսեցին բողոքի ցույցեր անցկացնել, երբ ձախողվեց համամասնական ընտրակարգին անցնելու մասին օրենքի նախագիծը: Նրանց պահանջը արտահերթ համամասնական ընտրություններ անցկացնելն է:
