17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Նոյեմբերի 27-ից 28-ը բացահայտվել է հանցագործության 54 դեպք, որոնցից 2-ը՝ նախկինում կատարված. ՀՀ ոստիկանություն
Հասարակություն
28.11.2019 | 11:20
Ըստ ոստիկանության օպերատիվ հաղորդագրությունների ամփոփագրերի` նոյեմբերի 27-ից 28-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 54 դեպք, որոնցից 2-ը՝ նախկինում կատարված։ Այս մասին հայտնում են Ոստիկանությունից:
Մասնավորապես՝ մարմնական վնասվածք հասցնելու՝ 13, անձնական ունեցվածքի գողության՝ 10, խարդախության՝ 7, սպանության սպառնալիքի՝ 4, յուրացման կամ վատնման և թմրամիջոցի հայտնաբերման՝ 3-ական, պաշտոնեական լիազորությունների չարաշահման ու ծեծի՝ 2-ական, անձի առևանգման, շորթման, ավտոմեքենա փախցնելու, գույքի դիտավորությամբ վնասման, հարկերից խուսափելու, անզգուշությամբ մարմնական վնասվածք պատճառելու, պոռնկագրական նյութեր տարածելու և սառը զենքի հայտնաբերման՝ 1-ական դեպք։
Հայտնաբերվել է 1 անհետ կորած, 3 հետախուզվող, կամավոր ներկայացել՝ 1-ը:
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է մարմնական վնասվածք հասցնելու և անձնական ունեցվածքի գողության՝ 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 9 պատահար, ինչի հետևանքով 11 մարդ ստացել է տարբեր աստիճանի մարմնական վնասվածքներ:
