10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Իրենց պատկերացմամբ՝ ՀՀ-ում և Արցախում կիսասոված են, մի կտոր հացի համար պատրաստ են հրաժարվել Արցախից. մանրամասնում է Բաքու այցելած լրագրողը. ՏԵՍԱՆՅՈՒԹ
Քաղաքականություն
27.11.2019 | 16:34
«Հայաստան-Արցախ-Ադրբեջան. վատ խաղաղությո՞ւն, թե՞ լավ պատերազմ. հայ և ադրբեջանցի լրագրողների տպավորությունները» թեմայով քննարկման ժամանակ «Մեդիամաքս» լրատվական գործակալության համահիմնադիր, գլխավոր խմբագիր Դավիթ Ալավերդյանը նկատեց, որ իրենք հասկացել են՝ այն միֆերը, որոնք կան Հայաստանի և Արցախի վերաբերյալ, սին են։
«Դրանք պարզապես հենց իրենց քարոզչության կողմից ստեղծված միֆեր են, որոնց նպատակն իրենց հասարակությանը որոշակի մեսիջներ հասցնելն է։ Այդ մեսիջներից ամենակարևորն այն է, որ իրենց պատկերացմամբ՝ Հայաստանում և Արցախում մարդիկ կիսասոված են, և մի կտոր հացի համար պատրաստ են հրաժարվել ոչ միայն Արցախից, այլ մնացած ամեն ինչից ևս։ Չգիտես՝ ինչու իրենք համոզված են․ որ մի քանի տարի հետո, եթե այսպես շարունակվի, մենք ինքներս ենք իրենց դիմելու, որպեսզի մեզ փրկեն և օգնեն»,- նշեց Դավիթ Ալավերդյանը։
Հիշեցնենք, որ նոյեմբերի 17-21-ը տեղի է ունեցել լրագրողների խմբերի փոխանակում. Հայաստանի և Արցախի ԶԼՄ-ների ներկայացուցիչներն այցելել են Ադրբեջան, իսկ ադրբեջանական ԶԼՄ-ների ներկայացուցիչները՝ Հայաստան և Արցախ:
Մանրամասները՝ տեսանյութում։
