12.08.2026 | 22:00
ԶՊՄԿ-ի պատմության լավագույն շրջանը
Դավիթ Սանասարյանի գործով դատարանը հեռացավ որոշում կայացնելու. ՏԵՍԱՆՅՈՒԹ
Հասարակություն
27.11.2019 | 14:29
Երևանի ընդհանուր իրավասության դատարանի Շենգավիթի նստավայրում դատավոր Դավիթ Բալայանի նախագահությամբ շարունակվում է ՊՎԾ պետի պաշտոնը զբաղեցրած (լիազորությունները ժամանակավորապես դադարեցված են) Դավիթ Սանասարյանի և մյուսների վերաբերյալ դատական նիստը։
Նախորդ նիստին Սանասարյանի պաշտպանները միջնորդել էին կարճել գործի վարույթն ու ուղարկել Սահմանադրական դատարան։
Պաշտպանի խոսքով՝ սույն գործի նախաքննությունը չէր կարող իրականացվել ԱԱԾ քննչական դեպարտամենտի կողմից, քանի որ այդ դեպարտամենտի կարգավիճակը հակասում է Հայաստանի Հանրապետության Սահմանադրությանը, ուստի քննչական գործողությունները կատարվել են քրեադատավարական օրենքի խախտմամբ, ինչի հետևանքով սույն քրեական գործի վարույթը ենթակա է կարճման։
Այսօր նիստին շարունակվեց միջնորդության քննարկումը, դատախազ Գևորգ Սարգսյանն առարկեց՝ նշելով, որ այն ենթակա է մերժման։ Պաշտպան Ինեսսա Պետրոսյանը պնդեց ներկայացված միջնորդությունը։ Ամբաստանյալներից մեկի պաշտպան Հրանտ Անանյանն էլ ասաց, որ ընդհանուր առմամբ չի առարկում միջնորդության դեմ, սակայն կողմ չէ գործի կասեցմանը։ Դատարանը հեռացավ խորհրդակցական սենյակ՝ որոշում կայացնելու։
Այն կհրապարակվի այսօր։
Լիլիթ Շաբոյան
