15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
«Սննդի ոլորտում առաջիկա կարգավորումները պետք է ներդաշնակեցնենք եվրոպական փորձին»․ էկոնոմիկայի նախարար
Տնտեսություն
27.11.2019 | 13:29
Սննդի ոլորտում Հայաստանում առաջիկա կարգավորումները պետք է ներդաշնակեցնենք եվրոպական լավագույն փորձին, որպեսզի կարողանանք այդ գիտելիքը փոխանցել մեր արտադրողներին և նրանց համար պարզ դարձնել, թե ինչպիսին պետք է լինի վաղվա գյուղատնտեսությունը, որը կկարողանա մեր բնակչությանն ապահովել որակյալ, սննդարար սննդով։ Այս մասին այսօր՝ պարենային ապահովության ոլորտում ներդրումերի և ձեռնարկատիրության զարգացման հնարավորություններին նվիրված միջազգային համաժողովի ընթացքում նշեց ՀՀ էկոնոմիկայի նախարար Տիգրան Խաչատրյանը։
«Պետք ճիշտ գնահատենք, թե որոնք են այն կարգավորումները, որոնք վաղը պետք է լինեն Հայաստանում՝ հաշվի առնելով ԵՏՄ-ին Հայաստանի անդամակցությունը, որը միասնական կարգավորումների մեկ ընդհանուր տարածք է։ Պետք է ստեղծենք պայմաններ՝ մարդկային կապիտալի ճիշտ զարգացման և մարդկային պոտենցիալն ամբողջությամբ Հայաստանում օգտագործելու համար։ Պետք է ստեղծենք այն հնարավորությունները, որոնք Հայաստանի գյուղատնտեսությամբ զբաղվող սուբյեկտները կարող են ունենալ՝ դեպի աշխարհի այլ շուկաներ արտահանման և այդպիսով ավելի մեծ տնտեսական օգուտներ գտնելու ճանապարհին»,- նկատեց նախարարը:
Մանրամասները՝ տեսանյութում։
Նելլի Մելքոնյան
