07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Վրաստանի ընդդիմությունը կշարունակի լայնածավալ բողոքի ցույցերը
Քաղաքականություն
27.11.2019 | 11:48
Ընդդիմությունը հայտարարում է, որ կշարունակեն արգելափակել պետական կառույցների մուտքերը, ինչպես նաև մինչև շաբաթվա վերջ կհայտարարեն հաջորդ լայնամասշտաբ բողոքի ցույցի անցկացման օրը. գրում է aliq.ge-ն:
Ընդդիմության առաջնորդներն այս մասին հայտարարել են Լեյբորիստական կուսակցության գրասենյակում միասնական խորհրդակցություններ անցկացնելուց հետո:
«Խաղաղ, ոչ բռնի գործընթացը շարունակվում է: Ընդդիմությունն ունի գործողությունների միասնական ծրագիր: Մենք կշարունակենք արգելափակել խորհրդարանի մուտքերը: Խորհրդարանի օրակարգի համաձայն՝ կհայտարարենք լայնածավալ հանրահավաքի անցկացման ամսաթիվը: Ուրբաթ կներկայացնենք փակուղուց ելք առաջարկող օրենսդրական մեր նախագիծը», – ասել է «Նոր Վրաստան» կուսակցության առաջնորդ Գիորգի Վաշաձեն:
Հիշեցնենք՝ ընդդիմությունը չի ընդունում խորհրդարանի խոսնակ Արչիլ Թալակվաձեի՝ աշխատանքային ռեժիմին վերադառնալու առաջարկը։
Հավելենք՝ նախօրեին լուսաբացին ոստիկանականությունը հատուկ ուժ կիրառելով ցրեց խորհրդարանի մուտքերն արգելափակած ցուցարարներին:
