02.02.2026 | 15:10
Իրանը քննարկում է ԱՄՆ-ի հետ դիվանագիտական գործընթացը և հույս ունի արդյունքների հասնել առաջիկա օրերին. ԱԳՆ խոսնակ
Դատարանը մերժեց Քոչարյանի գործով դատախազ Կարեն Բիշարյանին գործի վարույթից հեռացնել
Հասարակություն
26.11.2019 | 17:49
Երևանի ընդհանուր իրավասության դատարանը Աննա Դանիբեկյանի նախագահությամբ կայացած նիստում որոշեց մերժել Ռոբերտ Քոչարյանի պաշտպանների՝ դատախազ Կարեն Բիշարյանին ներկայացված բացարկի միջնորդությունը։
Հիշեցնենք, որ Քոչարյանի պաշտպաններից Հովհաննես Խուդոյանը նշել էր, որ դատախազ Կարեն Բիշարյանը կանխակալ վերաբերմունք ունի Ռոբերտ Քոչարյանի նկատմամբ։
Խուդոյանը նշել էր, որ 2018 թվականի փետրվարի 23-ին՝ ՀՀ Ազգային ժողովում հրավիրված քննարկումների ընթացքում, դատախազ Բիշարյանն ասել էր, որ Ռոբերտ Քոչարյանին որպես վկա հարցաքննության հրավիրելու հարկ նույնիսկ չկա։ Իսկ հետո պաշտպանական կողմի պնդմամբ, քաղաքական իրավիճակի փոփոխությունից հետո Բիշարյանը փոխեց կարծիքը։ Դատախազն առարկել էր այս միջնորդության դեմ, ասելով, որ ինքը երբևէ կողմնակալ չի եղել, և որ իր այդ օրվա հայտարարությունը կապված է եղել այդ պահին ունեցած փաստական հանգամանքների հետ, որոնք հետագայում լրացվել են։
Լիլիթ Շաբոյան
