17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
«Փորձում են մեզ դատարանից դուրս մղել, ընդունում ենք այդ մարտահրավերը». Մանվել Գրիգորյանի պաշտպան. ՏԵՍԱՆՅՈՒԹ
Հասարակություն
26.11.2019 | 18:41
Ինչպես հասկանում եմ՝ մեզ դատարանից դուրս են մղում, բառի բուն իմաստով՝ մեր նկատմամբ բիրտ ուժ են կիրառում։ Մեզ ցույց են տալիս, որ երկրում իրավական լուծումներն այլևս փակված են, և դրանք պետք է փնտրել փողոցում կամ քաղաքական հարթակներում։ Այս մասին այսօր՝ Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների նստավայրում ԱԺ նախկին պատգամավոր Մանվել Գրիգորյանի և նրա կնոջ՝ Նազիկ Ամիրյանի գործով դատական նիստի ավարտից հետո լրագրողների հետ զրույցում նշեց Մանվել Գրիգորյանի պաշտպան Արսեն Մկրտչյանը։
«Համոզված լինելով, որ մեղադրանքի առնվազն 90%-ը հերյուրանք է, մենք կընդունենք այս մարտահրավերը և կձեռնարկենք այն բոլոր քայլերը, որոնք այս պարագայում հնարավոր է ձեռնարկել։ Նորմալ պայմաններում միջնորդությունները, ըստ Քրեական դատավարության օրենսգրքի, քննվում են կողմերի կարծիքները հաշվի առնելով։ Տվյալ դեպքում՝ միջնորդությունն ընթերվեց և մեկ պաշտպանի լսելով, որոշում կայացվեց, որ բոլոր միջնորդությունները նույն հիմքերով են տրված, և մենք իրավունքը չարաշահում ենք։ Անգամ ցանկության դեպքում մենք չենք կարող իրավունքը չարաշահել, որովհետև գործ ունենք ծանր հիվանդ պաշտպանյալի հետ։ Պարզ ուրվագծվեց դատարանի միտումը։ Խնդիրն այստեղ ոչ միայն իրավական է»,- ասաց Արսեն Մկրտչյանը։
Մանրամասները՝ տեսանյութում։
Նելլի Մելքոնյան
