07.09.2026 | 13:21
ՔՀԿ-ի ատամնաբուժական կենտրոնի զուգարանում թմրանյութի նմանվող նյութեր են հայտնաբերվել
«Ալրաղացի Լյովիկ»-ը ՌԴ քաղաքացի չի հանդիսանում․ ԱԱԾ
Հասարակություն
26.11.2019 | 15:07
Ռուսաստանի Դաշնության Զելենոգրադ քաղաքում հայտնաբերված և կալանավորված ԱԺ նախկին պատգամավոր, Ալրաղացի Լյովիկ մականվամբ հայտնի Լևոն Սարգսյանը ՌԴ քաղաքացի չի հանդիսանում:
Factor.am-ի հետ զրույցում ԱԱԾ մամուլի կենտրոնից տեղեկացրեցին, որ Լևոն Սարգսյանն ունի միայն Հայաստանի Հանրապետության քաղաքացիություն։
Տեղեկացնենք, որ մամուլում այսօր հրապարակումներ եղան, որ նա երկար ժամանակ է՝ բնակվում է Ռուսաստանում, հնարավոր է, որ արդեն իսկ ունի ՌԴ քաղաքացիություն և նրան ՀՀ իրավապահներին չեն հանձնի։
Հիշեցնենք, որ ՀՀ ոստիկանության քրեական հետախուզության գլխավոր վարչության, Ռուսաստանում Հայաստանի ոստիկանության ներկայացուցչության և ՌԴ ՆԳՆ համապատասխան ստորաբաժանումների համատեղ իրականացված լայնածավալ օպերատիվ-որոնողական աշխատանքի արդյունքում նոյեմբերի 21-ին ՌԴ Մոսկվայի մարզի Զելենոգրադ քաղաքում հայտնաբերվել և ձերբակալվել է ՀՀ քրեական օրենսգրքի 175-րդ հոդվածի 3-րդ մասի 1-2-րդ կետերի և 223-րդ հոդվածի 2-րդ մասի հատկանիշներով 2018 թվականի հոկտեմբերի 1-ից հետախուզվող, Երևանի բնակիչ, 1968 թվականին ծնված Լևոն Հրաչյայի Սարգսյանը:
Ներկայումս լուծվում է նրա արտահանձնման հարցը:
