12.08.2026 | 21:19
Երկու բրոնզե մեդալ՝ արհեստական բանականության միջազգային օլիմպիադայում
Կալանքով պայմանավորված՝ Մանվել Գրիգորյանը չի ստանում անհրաժեշտ բժշկական օգնություն. պաշտպան. ՏԵՍԱՆՅՈՒԹ
Հասարակություն
26.11.2019 | 14:58
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում ԱԺ նախկին պատգամավոր, գեներալ Մանվել Գրիգորյանի գործով հերթական դատական նիստի մեկնարկին Գրիգորյանի պաշտպանական թիմը միջնորդություն ներկայացրեց՝ գրավը որպես խափանման միջոց կիրառելու վերաբերյալ:
Գրիգորյանի պաշտպան Լևոն Բաղդասարյանը նշեց. «Շուրջ 6 ամիս է՝ Գրիգորյանը ստացիոնար բուժում է ստանում, սակայն նույնիսկ հիվանդանոցային պայմաններում, հիվանդությունները գրանցել են բացասական տեղաշարժ: Այսօր Գրիգորյանն օրական 100-120 միավոր ինսուլին է ընդունում, սակայն, կալանքով պայմանավորված, չի ստանում անհրաժեշտ բժշկական օգնություն»:
Լևոն Բաղդասարյանի տեղեկացմամբ՝ պաշտպանական կողմը պատրաստ է 5 մլն դրամ վճարել:
Մինչ նիստը նախագահող դատարավոր Մնացական Մարտիրոսյանը կներկայացներ դատարանի դիրքորոշումը, Գրիգորյանի պաշտպանական թիմից Արսեն Մկրտչյանը հայտնեց, որ իր պաշտպանյալը վատ է զգում: Դատական նիստն ընդմիջվեց 10 րոպեով:
Մանրամասները՝ տեսանյութում:
Նլլի Մելքոնյան
