12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Կոռուպցիա միշտ կա. Էդմոն Մարուքյան. ՏԵՍԱՆՅՈՒԹ
Քաղաքականություն
26.11.2019 | 13:35
Հույս ունեի, որ Կոռուպցիայի հանձնաժողովի նախագահ կընտրվի Հայկուհի Հարությունյանը, բայց ինչպես ասում են՝ մինչև վերջ վստահ չես լինում։ Ամեն դեպքում, կարծում եմ՝ շատ արժանի թեկնածու է ընտրվել։ Այս մասին ԱԺ-ում լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը։
Factor.am-ի հարցին, թե հիմա կոռուպցիա կա՞, Մարուքյանը պատասխանեց․ «Կոռուպցիա միշտ կա, աշխարհի բոլոր երկրներում կոռուպցիա կա, այլ բան է կոռուպցիայի մակարդակը և հանրային ընկալումը։ Կոռուպցիայի մակարդակի հանրային ընկալումը դեռևս շատ բարձր է, բայց օրինակ՝ համակարգված կառավարվող, մեկ կետից կոորդինացվող կոռուպցիա այսօր Հայաստանում չկա։ Այսօր կա կոռուպցիա ցածր մակարդակներում։ Մենք հիմա տվյալ ունե՞նք, որ ինչ-որ նախարար կոռումպացված է։ Հենց ունենանք, ես այս ամբիոնից կխոսեմ։ Կառավարության մակարդակում, ամենաբարձր մակարդակում այդ կամքը կա, և պետք է հիմա այդ քաղաքական կամքն իջեցնել ամենացածր իշխանավորների մակարդակ, որը շատ բարդ գործ է։ Այդ գործով զբաղվում ենք, զբաղվել ենք և պետք է շարունակենք զբաղվել»,- ասաց Մարուքյանը։
Մանրամասները՝ տեսանյութում։
