10.12.2025 | 21:53
Լիանա Թովմասյանը՝ Միասնական սոցիալական ծառայության պետի տեղակալ
Նոր Հայաստանն առանց հին իրավական համակարգի. «Ռեստարտի» ակցիան Ոստիկանության դիմաց. ՈՒՂԻՂ
Հասարակություն
26.11.2019 | 12:10
Մեր արշավի ընթացքում հանդիպումներ ենք ունենալու պատասխանատու մարմինների հետ և փորձելու ենք մի քանի «բացահայտում» անել այն մասին, թե ինչպես է ստացվել, որ հեղափոխություն է տեղի ունեցել, բայց այն մուտք չի գործել իրավապահ համակարգ։ Մենք նախատեսում ենք նաև այցելել օրենսդիր և գործադիր մարմիններ։
Այս մասին այսօր՝ Ոստիկանության շենքի դիմաց կազմակերպած ակցիայի ընթացքում նշեց «Ռեստարտ» նախաձեռնության անդամ Յուրի Ավագյանը։
«Ցանկանում ենք հանդիպել ոստիկանապետի ժամանակավոր պաշտոնակատարի հետ։ Որոշ հարցադրումներ ունենք՝ հետհեղափոխական Ոստիկանության գործունեության և դեռ սպասվող բարեփոխումների վերաբերյալ։ Այստեղ գալու նպատակը երկխոսությունն է։ Կարծում ենք՝ հիմա այն իրավիճակն է, որ Ոստիկանությունը ոչ թե ծառայում է իշխանությունը պաշտպանելու, այլ քաղաքացիներին պաշտպանելու ուղղությամբ։ Մեր առաջին նախապայմանն այն է, որ հանդիպումը լինի բաց և նկարահանվի»,- ասաց Ավագյանը։
Ոստիկանության աշխատակիցները «Ռեստարտ»-ի անդամներին հայտնեցին, որ ոստիկանապետի ժամանակավոր պաշտոնակատարը տվյալ պահին գտնվում է Ազգային ժողովում՝ ՄԻՊ 15-ամյակին նվիրված միջոցառմանը, և դրա ավարտից հետո միայն հնարավոր կլինի պարզել՝ կկարողանա՞ հանդիպել նրանց, թե ոչ։
«Ռեստարտ»-ի անդամները նշեցին, որ պատրաստվում են Ոստիկանության շենքի դիմաց սպասել ոստիկանապետի ժամանակավոր պաշտոնակատար Արման Սարգսյանին։
Ավելի ուշ՝ «Ռեստարտ»-ից Factor.am-ին տեղեկացրին, որ ոստիկանապետը համաձայնել է հանդիպել։
Մանրամասները՝ տեսանյութում։
Նելլի Մելքոնյան
