27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
«Հայաստանի համար այդտեղ որևէ սենսացիոն բան չկար»․ Ռուբեն Մեհրաբյանը հայ լրագրողների՝ Բաքու կատարած այցի մասին. ՏԵՍԱՆՅՈՒԹ
Քաղաքականություն
25.11.2019 | 21:17
Սերժ Սարգսյանը զբաղված է իր թիմի քաղաքական կենսունակությունն ապահովելու գործով, և ինչպես իր կառավարման տարիներին չի խորշել ստելուց, ընդ որում՝ ամենացինիկ ձևով, նույն բանը հիմա է շարունակում։ Որևէ տարօրինակ բան չկա։ Այս մասին այսօր Factor.am-ի հետ զրույցում նշեց քաղաքագետ Ռուբեն Մեհրաբյանը՝ անդրադառնալով նախորդ շաբաթ ԵԺԿ ամբիոնից Սերժ Սարգսյանի ելույթին։
«Ով էլ խոսեր․ մի մարդ, որը 10 տարի ծաղրուծանակի է ենթարկել պետություն, օրենք, ժողովրդավարություն ասվածները։ Չեմ կարծում, որ սա լուրջ քննարկման կարիք ունի»,- ասաց Մեհրաբյանը։
Խոսելով օրերս հայ լրագրողների՝ Ադրբեջան կատարած այցից, Մեհրաբյանը նշեց․ «Սա չի բերի որևէ փոփոխության, քանի որ սա չափազանց փոքր իրադարձություն է։ Դատելով տեղի ունեցածից, կարող եմ ասել, որ Ադրբեջանը սրան ավելի մեծ նշանակություն էր տալիս, քան հայկական կողմը, ինչը բացատրելի է, որովհետև Ադրբեջանն է, որ ապացուցելու որևէ բան ունի։ Հայաստանի համար այդտեղ որևէ սենսացիոն բան չկար։ Բնականաբար, այդ երեք հայ լրագրողի շուրջ այնտեղ դրական մթնոլորտ էին ստեղծել, սակայն այդ դրական մթնոլորտի մասին երկրում շատ քիչ մարդ գիտի»։
Մանրամասները՝ տեսանյութում։
Նելլի Մելքոնյան
