12.08.2026 | 22:00
ԶՊՄԿ-ի պատմության լավագույն շրջանը
Սկանդալային տեսանյութում բռնության ենթարկված անձին և նրան ճանաչողներին խնդրում ենք դիմել ՀՔԾ. հայտարարություն
Հասարակություն
25.11.2019 | 18:27
Հատուկ քննչական ծառայությունը հայտարարություն է տարածել, որով խնդրում է սկանդալային տեսանյութում բռնության ենթարկված անձին և նրան ճանաչողներին դիմել ՀՔԾ:
«2019թ. նոյեմբերի 21-ին NewsMedia.am լրատվական գործակալության կողմից հրապարակված` «Սկանդալային Տեսանյութ. Հայրենի ոստիկանները մահակով ու հակագազով ցուցմունք են կորզում» վերտառությամբ տեսանյութի վերաբերյալ ՀՀ հատուկ քննչական ծառայությունում նախապատրաստված նյութերի հիման վրա ՀՀ քրեական օրենսգրքի 309-րդ հոդվածի 2-րդ մասով հարուցված քրեական գործով միջոցներ են ձեռնարկվում տեսանյութում երևացող` բռնության ենթարկված քաղաքացու ինքնությունը պարզելու և դեպքի բոլոր հանգամանքները բացահայտելու նպատակով:
Հաշվի առնելով վերոգրյալը` դեպքի և տեսանյութում երևացող քաղաքացու վերաբերյալ տեղեկություններ ունեցող անձանց խնդրում ենք դիմել ՀՀ հատուկ քննչական ծառայություն (ք. Երևան, Վ.Վաղարշյան 13ա) կամ զանգահարել (+374)11 900 019 հեռախոսահամարով:
Միաժամանակ հայտնում ենք, որ անհրաժեշտության դեպքում ՀՀ հատուկ քննչական ծառայությունը կարող է ապահովել քրեական գործով կարևոր տեղեկություններ հայտնած անձի գաղտնիությունը:
Նախաքննությունը շարունակվում է»,- ասված է հաղորդագրությունում:
Հիշեցնենք, որ վեր հանված խնդրին Factor.am-ն անդրադարձել էր իր «Խոշտանգող ոստիկանները եղել են ՀՀ ոստիկանապետի ներկայիս պաշտոնակատարի ենթակայության ներքո՞» վերտառությամբ նյութում:
