07.09.2026 | 14:14
«Էմիլի ֆարմ»-ի 7 մասնաճյուղում 9 վարչական խախտում է արձանագրվել
Դուբնայում Հայաստանի քաղաքացու են սպանել. ևս մեկը վիրավորվել է
Հասարակություն
25.11.2019 | 15:32
ՌԴ-ում ՀՀ դեսպանությունից մանրամասներ են հաղորդում Դուբնա քաղաքի գիշերային ակումբներից մեկի մոտ տեղի ունեցած միջադեպից:
«Հայտնում ենք, որ մերձմոսկովյան Դուբնա քաղաքի գիշերային ակումբներից մեկի մոտակայքում (Դաչնայա փ․2 հասցեում) նախօրեին ՀՀ քաղաքացիների մասնակցությամբ տեղի ունեցած միջադեպի վերաբերյալ ստացված տեղեկատվության առնչությամբ դեսպանությունը կապ է հաստատել է ՌԴ համապատասխան մարմինների հետ։
Փոխանցված տեղեկատվության համաձայն, տեղի ունեցած միջադեպի հետևանքով կյանքի հետ անհամատեղելի վնասվածքներ է ստացել ՀՀ քաղաքացի Ե․Գ․-ն։ Մեկ այլ քաղաքացի ստացել է միջին ծանրության մարմնական վնասվածքներ։
Տեղի ունեցածի մանրամասներն ու այլ հանգամանքներ ներկայումս ճշտվում են։
Դեսպանությունն ու ՌԴ-ում ՀՀ Ոստիկանության ներկայացուցիչը մշտական կապ են պահպանում ՌԴ համապատասխան մարմինների հետ։ Նշյալ հարցը դեսպանության ուշադրության կենտրոնում է»,- ասված է դեսպանության հաղորդագրությունում:
Հիշեցնենք, որ Հայաստանի մի քանի քաղաքացիներ Դուբնա քաղաքի «Լիմոնադ» գիշերային ակումբում կոնֆլիկտ են ունեցել շրջապատի հետ, որը թվացել է, թե հարթվել է: Սակայն ավելի ուշ քաշքշոցը շարունակվել է ու գյումրեցի Երեմ Գևորգյանը կյանքի հետ անհամատեղելի գլխի վնասվածք է ստացել, իսկ նրա զարմիկը միջին ծանրության վնասվածք է ստացել:
