13.01.2026 | 10:05
Լարս ավտոճանապարհը փակ է բոլոր տեսակի տրանսպորտային միջոցների համար
Վրաստանի խորհրդարանի շենքի մոտ ոստիկանական ուժեր են մոբիլիզացված
Քաղաքականություն
25.11.2019 | 12:57
Վրաստանի խորհրդարանի շենքի մոտ ոստիկանական ուժեր են մոբիլիզացված. գրում է aliq.ge-ն:
Շենքի հարակից տարածքում ոստիկանության մեքենաներ են կայանած, տեղում է նաև ՆԳՆ-ի հատուկ հանձնարարությունների դեպարտամենտի մի քանի ավտոբուս, 112-ի (արտակարգ իրավիճակների ծառայություն), շտապ օգնության և հրշեջ մեքենաներ:
Հիշեցնենք՝ այսօր՝ նոյեմբերի 25-ին, մոտ 20 ընդդիմադիր կուսակցություններից կազմված «Միավորված ընդդիմությունը» ծրագրում է կրկին արգելափակել խորհրդարանի մուտքերը:
Նշենք, որ համամասնական ընտրակարգին անցնելու մասին օրինագծի տապալումից հետո Վրաստանի խորհրդարանի մոտ բողոքի շուրջօրյա ակցիաներ էին սկսվել։ Նոյեմբերի 18-ին ՆԳՆ-ն ցույցը ցրեց ջրցան մեքենայով՝ զգուշացնելով, որ խորհրդարանի մուտքերը կրկին փակելու դեպքում նույն կերպ կգործի:
Միավորված ընդդիմությունը, որ կազմված է ավելի քան 20 քաղաքական ուժերից, համախմբվել է գործող իշխանության դեմ, պահանջում է է արտահերթ համամասնական խորհրդարանական ընտրություններ, կառավարության հրաժարական և ժամանակավոր կառավարության ձևավորում, նաև կենտրոնական ընտրական հանձնաժողովի վերաձևավորում։
