13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ընտանեկան բռնության ենթարկված անձանց ֆինանսական աջակցություն կցուցաբերվի․ Օլգա Ազատյան. ՏԵՍԱՆՅՈՒԹ
Հասարակություն
25.11.2019 | 12:17
Ընտանեկան բռնության նվազման առումով Աշխատանքի և սոցիալական հարցերի նախարարությունն աշխատում է 2 ուղղությամբ։ Այս մասին «Ընտանեկան բռնության և օրենսդրական մեխանիզմների արդյունավետության» թեմայով քննարկման ժամանակ ասաց աշխատանքի և սոցիալական հարցերի նախարարի խորհրդական Օլգա Ազատյանը։
«Առաջինը՝ նախարարությունն ընտանեկան բռնության ենթարկված անձանց աջակցություն է տրամադրում, որը պետության պարտականությունն է։ Այդ ուղղությամբ վերջին 10 ամիսների ընթացքում մենք աշխատել ենք քաղաքականություն մշակելու և իրավական դաշտը բարելավելու նպատակով, ինչի հետևանքով 2020 թվականի հունվարի 1-ից Հայաստանի բոլոր մարզերում կգործեն ընտանեկան բռնության աջակցման կենտրոններ։ Այստեղ բռնության ենթարկված անձը կստանա հոգեբանական, իրավաբանական և այլ տեսակի աջակցություն»,- նշեց Ազատյանը։
Վերջինս նշեց, որ 2-րդ քայլն այն է, որ ընտանեկան բռնության ենթարկված անձանց համար 2 պետական ապաստարան կստեղծվի։
Օլգա Ազատյանի տեղեկացմամբ՝ 2020 թվականի հունվարից ընտանեկան բռնության ենթարված անձանց ֆինանսական աջակցություն կտրամադրվի։
Մանրամասները՝ տեսանյութում։
