12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Պետդեպը Facebook-ին, Instagram–ին և Twitter-ին կոչ է արել արգելափակել Իրանի իշխանությունների օգտահաշիվները
Քաղաքականություն
24.11.2019 | 12:59
Իրանի հարցով ԱՄՆ հատուկ ներկայացուցիչ Բրայան Հուկը կոչ է արել Facebook, Instagram և Twitter ընկերություններին արգելափակել Իրանի ղեկավարության սոցիալական կայքերի օգտահաշիվները` երկրում ինտերնետ կապն անջատելու համար. հաղորդում է «ՌԻԱ Նովոստի» -ն։
«Սա ծայրաստիճան կեղծավոր ռեժիմ է։ Արգելափակվում է համացանցը, սակայն կառավարությունը շարունակում է օգտագործել սոցիալական կայքերի բոլոր հաշիվները։ Facebook, Instagram և Twitter ընկերություններին ուղղված մեր կոչերից մեկն է արգելափակել գերագույն առաջնորդ Ալի Խամենեի, արտաքին գործերի նախարար Մոհամմադ Ջավադ Զարիֆի և նախագահ Հասան Ռոհանիի օգտահաշիվները, մինչև նրանք ժողովրդի համար համացանցը նորից հասանելի չդարձնեն»,- հայտարարել է Հուկը, որի ելույթը տեղադրված է Պետդեպարտամենտի Twitter-յան հաշվում:
«Այժմ ռեժիմը արգելափակել է համացանցը, քանի որ փորձում է թաքցնել բոլոր մահերն ու ողբերգությունը, որին ռեժիմը դատապարտել է հազարավոր ցուցարարների ամբողջ երկրում», – հավելել է նա:
Ավելի վաղ Իրանի արտգործնախարարությունը, մեկնաբանելով «համացանցային գրաքննության» համար Իրանի նախարարի դեմ կիրառվող ԱՄՆ պատժամիջոցները, նշել էր, թե Վաշինգտոնի համար համացանցի ազատությունը որևէ նշանակություն չունի։
