02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Էրդողանի նախկին խորհրդական դատի է տվել մի քանի լրագրողի
Քաղաքականություն
23.11.2019 | 12:37
Թուրքիայի նախագահ Ռեջեփ Թայիփ Էրդողանի մամուլի հարցերով նախկին խորհրդական Քեմալ Օզթուրքը դատի է տվել որոշ լրագրողների, որոնք իր մասին «կեղծ» լուրեր են տարածել. գրում է ermenihaber-ը:
Օզթուրքը նշել է, որ այժմ «ընդդիմադիր» համարվող որոշ թերթերի լրագրողներ մամուլում հրապարակել են 15 տարվա վաղեմություն ունեցող լուրեր, որոնք «չեն համապատասխանում իրականությանը»: Ըստ նրա՝ այդ լրագորղները փորձել են իրեն դասել Թուրքիայում ահաբեկչական համարվող «Ֆեթուլլահական կազմակերպության» (Գյուլենական համայնք) շարքին:
Օզթուրքը հայտարարել է, որ այդ լրագրողների դեմ «մի քանի կոպեկի փոխհատուցման հայց» է ներկայացնելու դատարան, քանի որ վերջիններս գրոշի արժեք անգամ չունեն իր համար:
Հիշեցնենք, որ Քեմալ Օզթուրքը մամուլի հարցերով խորհրդականի պաշտոնը զբաղեցրել է 2007-2011 թթ., երբ ներկայիս նախագահ Ռեջեփ Թայիփ Էրդողանը այդ ժամանակաշրջանում զբաղեցնում էր վարչապետի պաշտոնը:
