13.01.2026 | 13:35
Ռուսական Տագանրոգում հարձակման է ենթարկվել ԱԹՍ-ների համար բաղադրիչներ արտադրող գործարանը
«Ծովից ծով Հայաստան» գաղափարի հետ Դաշնակցությունը կապ չունի․ Արա Պապյան. ՏԵՍԱՆՅՈՒԹ
Քաղաքականություն
22.11.2019 | 13:41
«ԱՄՆ նախկին նախագահ Վուդրո Վիլսոնի՝ հայ-թուրքական սահմանի վերաբերյալ իրավարար վճիռը լուծում էր երեք կարևոր խնդիր։ Ուղիղ 99 տարի առաջ է ստորագրվել այդ վճիռը և այն կնքվել է Միացյալ Նահանգների մեծ կնիքով, ինչը նշանակում է, որ փաստաթուղթը մաս է կազմում Միացյալ Նահանգների օրենսդրության»,- Վիլսոնյան իրավարար վճռին նվիրված գիտաժողովում հայտարարեց քաղաքագետ Արա Պապյանը։
Նա կարծում է, որ ԱՄՆ նախագահի վճիռը մինչ օրս ունի ուժ և չի կորցրել կարևորությունը․ «Քանի դեռ Միացյալ Նահանգները գոյություն ունի, այս փաստաթուղթը կատարման համար պարտադիր փաստաթուղթ է։ Վիլսոնն ընդունեց այնպիսի փաստաթուղթ, որ անկախ նրանից՝ ով կլինի ԱՄՆ նախագահը, պարտավորությունը մնա»։
Արա Պապյանը հիշեցրեց, որ երբ Առաջին համաշխարհային պատերազմն ավարտվեց, Փարիզի խաղաղության վեհաժողովի արդյունքում Հայաստանը Հարավային Կովկասից միակ հաղթող երկիրն էր․ «Սակայն հետագայում բոլշևիկյան քաղաքականության պատճառով այդ հաղթանակը մեր դեմ դուրս եկավ և հաղթողը ամենամեծ կորուստները կրեց»։
Արա Պապյանն անդրադարձավ հարցին, թե ինչու Վուդրո Վիլսոնը հայ-թուրքական սահմանը գծեց այն սահմանով, որը առկա է վճռում․ «Սահմանը կարող էր մեծ կամ ավելի փոքր լինել։ Հանձնաժողով կար, որը տվել էր ավելի մեծ Հայաստան։ Ծովից ծով Հայաստանի գաղափարը, որ հաճախ Դաշնակցությանն է վերագրվում, իրականում ՀՅԴ-ի հետ կապ չունի։ Ընդհակառակը, Դաշնակցությունը ավելի համեստ ծրագրով էր գնացել․․․ Դաշնակցությունն ասում էր մեզ Արևելյան Հայաստանում ճանաչեք, էդքանը լավ է»,- ասաց Պապյանը։
Մանրամասները՝ տեսանյութում:
Ռոբերտ Անանյան
