05.06.2026 | 11:20
Հայ շախմատիստների արդյունքները կանանց ԵԱ-ի վերջին տուրից առաջ
Մոսկվայում հայտնաբերվել և ձերբակալվել է Լևոն Սարգսյանը` Ալրաղացի Լյովիկը. ՏԵՍԱՆՅՈՒԹ
Հասարակություն
22.11.2019 | 10:08
ՀՀ ոստիկանության քրեական հետախուզության գլխավոր վարչության, Ռուսաստանում Հայաստանի ոստիկանության ներկայացուցչության և ՌԴ ՆԳՆ համապատասխան ստորաբաժանումների համատեղ իրականացված լայնածավալ օպերատիվ-որոնողական աշխատանքի արդյունքում նոյեմբերի 21-ին ՌԴ Մոսկվայի մարզի Զելենոգրադ քաղաքում հայտնաբերվել և ձերբակալվել է ՀՀ քրեական օրենսգրքի 175-րդ հոդվածի 3-րդ մասի 1-2-րդ կետերի և 223-րդ հոդվածի 2-րդ մասի հատկանիշներով 2018 թվականի հոկտեմբերի 1-ից հետախուզվող, Երևանի բնակիչ, 1968 թվականին ծնված Լևոն Հրաչյայի Սարգսյանը:
Ներկայումս լուծվում է նրա արտահանձնման հարցը:
Հիշեցնենք, որ «Մարտի 1»-ի գործով տուժողի ներկայացուցիչ, փաստաբան Սեդա Սաֆարյանն ասել էր, որ 2008թ. մարտի 1-ի կեսօրին Կառավարության շենքի մոտ մեքենայի բեռնախցիկից զենք և հագուստ է տրամադրվել թիկնապահներին, դա տրամադրվել է Ռուբեն Հայրապետյանի և Լևոն Սարգսյանի թիկնազորին, որոնք այդ համազգեստը հագել են և հանդես են եկել որպես զինվորականներ։ Զենքեր են տրամադրվել, որոնց վերաբերյալ առկա են տեղեկություններ, նաև՝ տեսանյութեր:
Հիշեցնենք նաև, որ Լևոն Սարգսյանը հետախուզվում էր 10 տարի առաջ Մաքսային ծառայության ղեկավար Արմեն Ավետիսյանի տան վրա կատարված հարձակման գործի շրջանակներում:
Նա Լևոն Սարգսյանը ԱԺ երկու գումարումների պատգամավոր է եղել, Հայաստանի Հանրապետական կուսակցության անդամ:
