13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
«Արթուր Վանեցյանը ֆուտբոլի հետ այդքան էլ կապ չունի». ավարտվեց Վանեցյանի և երկրպագուների հանդիպումը. ՏԵՍԱՆՅՈՒԹ
21.11.2019 | 16:55
Ֆեդերացիայի նախագահը գործկոմի կազմի հետ միասին պետք է հեռանա։ Ստեղծված իրավիճակի միակ լուծումը դա է։ Ֆեյք ՀԿ-ները պետք է մաքրվեն ֆեդերացիայի կազմից, որպեսզի ձևավորվի նոր ֆեդերացիա։ Այս մասին լրագրողների հետ զրույցում ասաց «Red Eagles fan club»-ի հիմնադիր անդամ Դենիս Սարգսյանը։
Հարցին՝ ՀՖՖ նախագահ Արթուր Վանեցյանն ինչպե՞ս արձագանքեց իր հրաժարականի մասին առաջարկին, Դենիս Սարգսյանը պատասխանեց․ «Վանեցյանի համար ընդունելի է այդ տարբերակը, եթե բոլորով են հեռանում»։
Իսկ հարցին, երբ որ այն ժամանակ ֆուտբոլից հեռու մարդիկ էին ընդգրկվում գործկոմի կազմի մեջ, ֆուտբոլի հետ կապ չունեցող մարդն էր նշանակվում ֆեդերացիայի նախագահ, ինչո՞ւ չէին խոսում, արձագանքեց, որ իրենք հենց ամենաառաջին օրվանից էլ խոսել են։ Վերջինս ընդգծեց, որ իրենք մի բան գիտեն՝ ֆուտբոլով պետք է զբաղվեն ֆուտբոլի հետ կապ ունեցող մարդիկ։
Հստակեցնող հարցին՝ Արթուր Վանեցյանը կապ ունի՞ ֆուտբոլի հետ, պատասխանեց․ «Իմ կարծիքով՝ որոշ չափով ոչ»։
Մանրամասները՝ տեսանյութում։
