Քաղաքականություն
20.11.2019 | 17:14
Ուկրաինայի նախագահ Վլադիմիր Զելենսկին կարծում է, որ «արդեն ժամանակն է փոխել» Գերագույն ռադայի պատգամավորներին, հաղորդում է «ՌԻԱ Նովոստի»-ն:
Խորհրդարանի աշխատանքային առաջին օրը`օգոստոսի 29-ին, Զելենսկին գործող կազմին իր արդյունավետությունն ապացուցելու համար մեկ տարի էր տվել: Հակառակ դեպքում երկրի ղեկավարը պատգամավորներին հրաժարականով էր սպառնացել: Միևնույն ժամանակ, Ռադայի խոսնակ Դմիտրի Ռազումկովը հայտարարել է, որ արտահերթ խորհրդարանական ընտրություններ անցկացնելու նախադրյալներ չի տեսնում:
«Երկիրը պետք է լինի այնպիսին, ինչպիսին դուք եք՝ թարմ, նոր ու շատ հետաքրքիր»,- դիմելով համաժողովի մասնակիցներից մի աղջկա Դաշային՝ ասել է Զելենսկին՝«Ուկրաինան զարգանում է ինձ հետ միասին» համաուկրաինական համաժողովի ընթացքում:
