08.12.2025 | 17:53
ԱԱ-2026-ի ֆավորիտները՝ ըստ Goal.com-ի
«Իրանական տնտեսությունը վատ ժամանակներ է ապրում»․ տնտեսագետ. ՏԵՍԱՆՅՈՒԹ
Քաղաքականություն
19.11.2019 | 18:36
Իրանի խնդիրը միայն Իրանինը չէ։ Իրանը տարածաշրջանային և գլոբալ լուրջ տնտեսական խաղացող է, քանի որ տնօրինում է հսկայական էներգապաշարների, մարդկային ռեսուրսների, գիտական, տեխնոլոգիական ներուժի, որով կարող է քայլ գցել տարածաշրջանի և, գլոբալ առումով, իրեն համադրելի երկրների հետ։ Իրանի պոտենցիալը բավականաչափ մեծ է և նշանակալի տարածաշրջանի բոլոր երկրների, այդ թվում՝ մեզ համար. այս մասին այսօր` «Իրավիճակն Իրանում սրվում է. ապակայունացման տնտեսական ու աշխարհաքաղաքական հետևանքները» թեմայով հրավիրված քննարկման ընթացքում նշեց «Ինովացիոն և ինստիտուցիոնալ հետազոտությունների կենտրոնի» ղեկավար, տնտեսագետ Ատոմ Մարգարյանը:
«Հուլիսին որոշում կայացվեց գնալ դենոմինացիայի․ այսինքն՝ իրանական ռիալը, 4-0 ջնջել և, նույնիսկ փոխել ռիալի անունը՝ դարձնելով թուման, ինչպես եղել է, եթե չեմ սխալվում, 1932 թվականին։ Բենզինի գնի բարձրացման որոշումը որոշակի շրջանակների կողմից օգտագործվեց, և մենք ունենք այն, ինչ ունենք»,- ասաց տնտեսագետը։
Նրա կարծիքով՝ իրանական տնտեսությունը վատ ժամանակներ է ապրում. «Այն գները, որ գործում են իրանական տնտեսության մեջ, շուկայական չեն։ Եվ հատվածական ազատականացումների գնալը ծանր հետևանքներ կունենա»։
Մանրամասները՝ տեսանյութում։
Նելլի Մելքոնյան
