29.03.2026 | 10:52
ԵՄ առաքելությունը նախազգուշացրել է Կարմիր ծովում հուսիների նոր սպառնալիքի մասին
Մենք ուժեղացնում ենք բանկային գաղտնիքի ինստիտուտը․ նախարարը նախագիծ ներկայացրեց. ՏԵՍԱՆՅՈՒԹ
Հասարակություն
19.11.2019 | 17:06
Մենք ուժեղացնում ենք բանկային գաղտնիքի ինստիտուտը։ Այս մասին ԱԺ-ում իր ելույթի ժամանակ ասաց արդարադատության նախարար Ռուստամ Բադասյանը։
«Այսուհետ, թեև, ցանկացած դեպքում ցանկացած դատավարական որոշում պետք է պատճառաբանված լինի, բայց նախկին կարգավորումներում չկար այդ հատվածը, որտեղ հստակ նկարագրվում էր, թե քննիչի պատճառաբանված միջնորդությունն ինչ տվյալներ պետք է պարունակի։ Մենք երկու կարևոր երաշխիք ենք ավելացրել՝ հսկող դատախազի թույլտվությամբ պետք է լինի և Գլխավոր դատախազի կամ տեղակալի համաձայնությամբ, այսինքն՝ մեր երկրում պաշտպանվածության առումով ամենաբարձրն է»,- նկատեց նախարարը։
Հիշեցնենք, որ ԱԺ-ն քննարկում է Կառավարության կողմից ներկայացված ՀՀ քրեական դատավարության օրենսգրքում լրացում կատարելու մասին և Բանկային գաղտնիքի մասին ՀՀ օրենքում լրացում կատարելու մասին օրենքների նախագծերի փաթեթն առաջին ընթերցմամբ ընդունելու մասին հարցը։
Մանրամասները՝ տեսանյութում։
