12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Արցախի պողոտայում վրաերթի ենթարկված երեխաները շարունակում են մնալ «Սուրբ Աստվածամայր» ԲԿ-ում
Հասարակություն
19.11.2019 | 17:00
Երեկ՝ նոյեմբերի 18-ին, Արցախի պողոտայում վրաերթի ենթարկված հինգ հետիոտներից երկուսը, որոնք տեղափոխվել էին «Սուրբ Աստվածամայր» ԲԿ, առայժմ գտնվում են ստացիոնար բուժման մեջ։
Այս մասին Factor.am-ի հետ զրույցում հայտնեց «Սուրբ Աստվածամայր» ԲԿ-ի մամուլի քարտուղար Գևորգ Դերձյանը։
Ըստ նրա՝ երեխաների մոտ հայտնաբերվել է միայն փափուկ հյուսվածքների սալջարդ։ «Դեռ հիվանդանոցում են։ Երևի մեկ կամ երկու օրից դուրս կգրվեն։ Իրենց մոտ ծանր վնասվածքներ չկան»,- ասաց Դերձյանը։
Հիշեցնենք, որ երեկ՝ Արցախի պողոտայում առավոտյան դպրոց գնալիս, վրաերթի էր ենթարկվել 5 հետիոտն, որոնք նույն ընտանիքի անդամներ էին։ Նրանք փողոցը հատել էին անթույլատրելի վայրով։ Վթարի հետևանքով «Սուրբ Աստվածամայր» ԲԿ էր տեղափոխվել 4 երեխա, որոնցից երկուսը տեղում ստացել էր ամբուլատոր բուժօգնություն և գնացել տուն։
Նելլի Մելքոնյան
