03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
«Թուրքիան Իրաքում կվերաբացի իր գլխավոր հյուպատոսությունները». Չավուշօղլու
Քաղաքականություն
18.11.2019 | 21:31
Թուրքիայի արտգործնախարար Մևլութ Չավուշօղլուն խորհրդարանում անդրադարձել է տարածաշրջանային վերջին զարգացումներին. գրում է ermenihaber-ը:
Չավուշօղլուն հայտարարել է Իրաքի Մոսուլ և Բասրա քաղաքներում Թուրքիայի գլխավոր հյուպատոսությունները վերաբացելու մասին: Նշել է, որ Թուրքիան միևնույն ժամանակ շարունակում է աշխատանքներն Իրաքի Քիրքուք և Նեջեֆ քաղաքներում առաջին անգամ գլխավոր հյուպատոսություններ բացելու ուղղությամբ:
Թուրքիայի արտգործնախարարն Իրանում տեղի ունեցող իրադարձությունների հետ կապված հույս է հայտնել, որ անմիջապես կավարտվեն ցույցերը և Իրանում կրկին անդորր կհաստատվի:
Անդրադառնալով Սիրիայի հյուսիս-արևելքում Թուրքիայի «խաղաղության ակունք» ռազմական գործողությանը՝ նա նկատել է տվել, որ տեղահանված բնակիչների 50%-ը վերադարձել է տուն:
Ինչ վերաբերում է քրդական «Սիրիայի դեմոկրատական ուժերի» (SDF) ղեկավար գեներալ Ֆերհադ Աբդի Շահինի` (կեղծանունը` Մազլում Քոբանի) ԱՄՆ և Գերմանիա կատարելիք այցի մասին շրջանառվող լուրերին, ապա Չավուշօղլուն ասել է, որ պահանջել են ձերբակալել և Թուրքիային արտահանձնել նրան:
