03.10.2026 | 22:08
Հայաստանի հավաքականը ժամանել է Պոդգորիցա
Ոստիկանության 6-րդ վարչությունը Տիգրան Ավինյանի խորհրդականի եղբոր ընկերությունում ստուգումներ է անում
Հասարակություն
18.11.2019 | 14:48
ՀՀ ոստիկանության 6-րդ վարչությունը հրապարակումների հիման վրա ստուգողական գործողություններ է իրականացնում ՀՀ փոխվարչապետ Տիգրան Ավինյանի խորհրդական Ավետիք Էլոյանի եղբորը՝ Զարեհ Էլոյանին պատկանող «Eloyan Architects» ընկերությունում:
Տեղեկությունը Factor.am-ի հետ զրույցում հաստատեց ՀՀ Ոստիկանության լրատվության բաժնի պետ Զարզանդ Գաբրիելյանը։ Ըստ նրա՝ թեմայի շուրջ եղած մյուս տեղեկություններն այս պահին հրապարակման ենթակա չեն։
Ավելի վաղ այս մասին գրել էր «Հայկական ժամանակ»-ը՝ հիշեցնելով Կադաստրի կոմիտեի նախկին ղեկավար Սարհատ Պետրոսյանի օրերս հայտարարել էր, թե փոխվարչապետի խորհրդական Ավետիք Էլոյանը «կոռումպացվածության հասնող թայֆայականության» մեջ է։
Պետրոսյանը նշել էր, որ 2012 թվականին Ավետիք Էլոյանը եղբոր՝ Զարեհ Էլոյանի հետ ԱՄՆ-ում բացել է «Eloyan Architects» նախագծային կազմակերպությունը, որի պաշտոնական կայքում կա միայն մեկ բնակարանի ինտերիերի նախագիծ Հայաստանում:
Նելլի Մելքոնյան
