31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
ԱՄՆ-ը խնդիր չի տեսնում Իրան-Հայաստան համագործակցության հարցում. դեսպան Լին Թրեյսի
Քաղաքականություն
18.11.2019 | 13:20
ԱՄՆ-ը խնդիր չի տեսնում Իրանի հետ Հայաստանի և հայաստանյան բիզնես շրջանակների օրինական համագործակցության առումով․ այս մասին ՍիվիլՆեթին ասել է ՀՀ-ում ԱՄՆ դեսպան Լին Թրեյսին՝ հավելելով, որ Վաշինգտոնում հստակ հասկանում են Իրանի նշանակությունը Հայաստանի համար:
«Մենք հստակ հասկանում ենք Իրանի նշանակությունը Հայաստանի համար: Իրանը Հայաստանի երկու բաց սահմաններից մեկն է: Մենք նաև ըմբռնումով ենք մոտենում Հայաստան-Իրան գազ էլէկտրականության դիմաց փոխանակումների ծրագրին», – ասել է դեսպանն ու պարզաբանել, թե Իրանի հետ կապված որ հարցերն են մտահոգություն առաջացնում ԱՄՆ-ի համար:
«Մեր մտահոգությունները կապված են ոչ թե Իրանի հետ օրինական առևտրին, այլ այն հարցերին, որոնք վերաբերում են Իրանի կողմից ահաբեկչական միավորումներին պետական մակարդակով աջակցություն ցուցաբերելուն: Սրանք շատ կոնկրետ և թիրախավորված ուղղություններ են», – ասել է նա՝ նկատելով, որ այդ ուղղություններից դուրս այլ հարաբերությունների, օրինական առևտուրի վերաբերյալ ԱՄՆ-ն առարկություն չունի:
Հարցին՝ արդյոք ԱՄՆ-ի համար խնդրահարույց չի՞ լինի, եթե հայաստանյան բիզնես կառույցները սկսեն ընդլայնել իրանցի գործընկերների հետ կապերը, դեսպանը բացասական պատասխանել է. «Բոլորովին ոչ, քանի որ մեր մտահոգություններն Իրանի հետ կապված մի քանի առանցքային կառույցների են առնչվում: Դրանք պետական կառույցներ են: Ինչ վերաբերում է Իրան-Հայաստան առևտրին, ապա դրանք իրենց հունով ընթանում են»։
Առավել մանրամասն՝ սկզբնաղբյուր կայքում:
